Kreu i grupit parlamentar të Partisë Socialiste, Taulant Balla, nuk prej një zgjidhje të konfliktit mes Bullgarisë dhe Maqedonisë së Veriut as vitin e ardhshëm.
Kjo do të thotë se vetoja bullgare do të vijojë të mbajë peng negociatat e Shqipërisë dhe Maqedonisë së Veriut me BE.
Për Ballën kjo është e padrejtë, aq më tepër se nuk ka siguri që një vend tjetër anëtar mund të ngrejë të tjera çështje edhe sikur kjo mosmarrëveshje të zgjidhet.
E megjithatë, ai nënvizoi se vendi ynë nuk duhet të humbasë fokusin për të çuar përpara reformat në fuksion të transformimit dhe përafrimit me standardet e BE.
Taulant Balla: Nuk ka asnjë dyshim që ne në një moment të caktuar do të jemi anëtarë të BE sepse jo vetëm për ne nuk ka zgjidhje tjetër dhe nuk ka plan B, gjithmonë plani A i yni është anëtarësimi në BE. Natyrshëm brenda BE ka një sistem vendimmarrës të vështirë ose shumë të vështirë.Sa kohë çështjet e politikës së jashtme apo të zgjerimit kërkojnë konsensus terësor është e pamundur që procesi i integrimit të ecë përpara dhe teksa BE po diskuton mënyrën e vet të vendimmarrjes dhe unë besoj që të paktën për çështje të politikës së jashtme dhe të zgjerimit nuk duhet të prevalojë konsensusi total por duhet gjetur mënyra si të zhbllokohet.
Po e them troç, nuk kam ndonjë pritshmëri që Bullgaria dhe Maqedonia e Veriut të zgjidhin brenda këtij viti debatin e tyre për çështjet që secila prej palëve mund të ketë të drejtë dhe nuk na takon neve të hyjmë. Por unë nuk pres as vitin tjetër që Bullgaria dhe Maqedonia e Veriut të zgjidhin çështjen për atë të cilën kanë sot debat. A duhet të mbeten Shqipëria dhe Maqedonia e Veriut peng të kësaj çështje? Vitin tjetër mund të dalë një tjetër vend anëtar që mund të shtrojë një çështje tjetër. Ne nuk duhet të humbim për asnjë moment fokusin tonë për të çuar përpara reforma të rëndësishme, kryereforma në sistemin e drejtësisë na ka dhënë ne Shqipërisë një avantazh dhe me vende që po negociojnë ndërkohë.
Deklaratat Balla i bëri në ceremoninë e hapjes së Shkollës së Integrimit Europian 2021.