Ivan Balliu ka shkëlqyer përballë kampionëve të Spanjës, Realit të Madridit, të cilët u mposhtën në transfertë 3-2 Vallecano.
Vendasit kaluan të parët në avantazh, por Reali i Ancelotti-t arriti të shënojë dy gola të shpejtë, duke krijuar idenë se do të shkonte në një fitore të lehtë. Por nuk ndodhi aspak kështu, pasi Vallecano u rikthye në avantazh, të cilin e mbrojti me të gjitha forcat deri në fund.
Balliu, mbrojtësi i Kombëtares shqiptare zhvilloi një nga ndeshjet e tij më të mira, duke “zhdukur” brazilianin Vinicius, i cili thuajse në asnjë moment nuk u shfaq i rrezikshëm në këtë ndeshje.
Kjo humbje e Realit bën që Barcelonë të jetë e vetme në krye të klasifikimit të La Liga-s me dy pikë më shumë.
