Guvernatori i Bankës së Shqipërisë, Gent Sejko foli sot në një konferencë për shtyp mbi vendimmarrjen e politikës monetare.
Sejko tha se gjatë këtij viti, Shqipëria ia doli të dalë nga lista gri, “duke krijuar mundësinë e ekuivalentimit të mëtejshëm të kuadrit ligjor dhe rregullator të mbikëqyrjes bankare me atë të autoritetit europian.”
Ndërkohë, ai theksoi se testet e rezistencës kanë treguar se Banka e Shqipërisë mund të mbështesë ekonominë me financim.
Ndërsa theksoi se Banka tashmë ka rezerva në kapital dhe likuiditet, Sejko tha se një tjetër pikë që ka marrë vëmendje është edhe siguria kibernetike.
Genc Sejko: Puna jonë është fokusuar në ruajtjen e një sistemi financiar të shëndoshë fleksibël dhe efikas. Kjo nëpërmjet përmirësimit të kuadrit tonë ligjor duke e përafruar me atë të Bashkimit Evropian, nëpërmjet bashkëpunimit intensiv me institucionet homologe
Këtë vit u miratua vendimi për daljen e Shqipërisë për daljen nga lista gri duke krijuar mundësinë e ekuivalentimit të mëtejshëm të kuadrit ligjor dhe rregullator të mbikëqyrjes bankare me atë të autoritetit europian.
Banka e Shqipërisë ka mbështetur sektorin bankar në hartimin e politikave të përshtatshme për financimin e kërkesës për rritje kapitali. Në tërësi sektori bankar ka ruajtur parametra të kënaqshëm.
Në pasqyrim të zhvillimeve ekonomike, praktika solide të manaxhimit të biznesit, bankat shqiptare gëzojnë rezerva të kapitalit, likuiditeti dhe norma të ulta të kredive me probleme.
Testet tona të rezistencës tregojnë se sistemi jonë është i aftë të mbështesë ekonominë me financim.
Banka e Shqipërisë ka patur një vëmendje të veçantë për sigurinë kibernetike duke ndërmarrë një sërë iniciativash. Në këtë kontekst, në koordinim me autoritetet vendase dhe ndërkombëtare ne kemi bashkërenduar punën për rritjen e komunikimit me industrinë bankare në lidhje me shpërndarjen në kohë reale mes bankave të indikatorëve kompromentues dhe kërcënimeve nga aktorë të ndryshëm.
Ne kemi afruar sisteme moderne dhe efiçente në krye të pagesave dhe kemi plotësuar kërkesat e ekonomisë me para fizike.
Viti 2023 përkon me finalizimin e strategjisë kombëtare të pagesave me vlerë të vogël, në këtë kuadër arritje janë shënuar në drejtim të realizimit të masave të fundit të mbetura në planin e veprimit, të cilat lidhen me miratimin dhe zbatimin e ligjit për shpenzimet bazike.
Ky ligj tashmë është një realitet dhe pritet të ndikojë. Në këtë kuadër përfshirja financiare është rritur me ritme të kënaqshëm, ndërsa 70 përqind e popullsisë ka llogari bankare dhe pagesat për frymë të popullsisë madhore rezultuan ën 20 pagesa krahasuar me 17 pagesa për frymë në vitin e mëparshëm.
Këtë vit Banka e Shqipërisë është përzgjedhur për t’ju bashkuar bordit këshillimor të aksesit në financë të fondit monetar ndërkombëtar, rezultate të i angazhimit tonë aktiv në iniciativat tona drejt përfshirjes financiare.
