Barcelona me shumë vështirësi ka arritur që në fundin e ndeshjes të fitojë edhe ndaj Real Betisit në udhëtim.
“Blaugrana” të dielën në mbrëmje fitoi si vizitore me rezultatin 3:2 në kuadër të xhiros së 22-t.
Borja Iglesias shënoi i pari për Betisin në minutën e 38-t pas asistimit të Emersonit.
Gola nuk pati më në pjesën e parë. Në pjesën e dytë, trajneri Ronald Koeman e inkuadroi në fushë Lionel Messin. Pas dy minutave në fushë, Messi shënoi për mrekulli në minutën e 59-t, pas bashkëveprimit me Ousmane Dembelen.
Barcelona kaloi në epërsi për herën e parë në ndeshje afër 20 minuta para fundit. Victor Ruiz shënoi gabimisht në portën e vet.
Sidoqoftë, mbrojtësi Ruiz e përmirësoi gabimin në minutën e 75-t, kur shënoi pas harkimit të Nabil Fekirit.
Vizitorët nuk u dorëzuan dhe shënuan me një tjetër zëvendësues. Portugezi Francisco Trincao shënoi për mrekulli tre minuta para fundit dhe i dhuroi pikët e plota skuadrës së tij.
Barcelona pas 21 ndeshjeve ka 43 pikë në vendin e dytë, aq sa ka edhe Real Madridi në vendin e tretë por me goldallim më të dobët.
