Adnan Januzaj mund ta lërë Real Sociedadin dhe të transferohet te klubi tjetër spanjoll, Barcelona.
TodoFichajes raporton se rinovimi i Adnan Januzajt ka qenë i ndërlikuar ditët e fundit dhe bisedimet pritet të prishen totalisht.
Fillimisht u duk se Januzaj do të rinovonte qëndrimin në San Sebastián por hyrja e një ekipi të tretë ka ndryshuar rrjedhën e negociatave.
Sipas informacioneve që ka TodoFichajes, Barcelona ka mbajtur kontakte me të afërmit e lojtarit për të shqyrtuar transferimin e tij në Barcelonë.
Katalanasit nuk po kalojnë momentin më të mirë ekonomik dhe duhet të përfitojnë nga ky lloj operacioni për të forcuar veten.
Xavi e ka dhënë tashmë dritën jeshile për të filluar negociatat me lojtarin në mënyrë që e ardhmja e tij të mund të zgjidhej në janar.
