Barcelona ka pësuar disfatë nga Granada.
Të enjten mbrëma, në kuadër të xhiros së 33-të, Barcelona u mposht në “Camp Nou” me rezultatin 2:1, me rikthim.
Ishte Lionel Messi ai i cili shënoi për golin e avantazhit në minutën e 23-të pas asistimit të Antoine Griezmannit.
Megjithatë, çerekfinalistët e Ligës së Evropës në këtë edicion, shënuan dy herë brenda pak minutash.
Darwin Machis në minutën e 63-të dhe Jorge Molina në minutën e 79-të, përmbysën rezultatin për pikët e plota në udhëtim.
Barcelona me këtë disfatë mbetet dy pikë prapa liderit të ligës, Atletico Madridit, ndërsa ka pikë të njëjta me Real Madridin e vendit të dytë, 71 gjithsej.
Granada është në vendin e tetë me 45 pikë.
Dy ndeshjet e radhës do të jenë derbi për Barcelonën. Udhëton te Valencia më 2 maj dhe e pret më 8 maj skuadrën e Atletico Madridit.
