Barcelona është në rrugën e duhur për të ndjekur Real Madridin në krye të La Ligës, pasi mundi Elchen 3-1 në Estadi Olimpic Lluis Companys në Montjuic.
Hansi Flick mezi priste ta shihte ekipin e tij të rikuperohej nga humbja e fundjavës së kaluar në El Clasico, dhe e bëri këtë që nga fillimi. Në minutën e nëntë, rezultati u zhbllokua nga Lamine Yamal.
Dhe vetëm pak minuta më vonë mbërriti dhe goli i dytë. Skuadra katalanase shfrytëzoi një tjetër gabim të mbrojtjes së Elches dhe e përfundoi aksionin me krosin e Fermin Lopez për Ferran Torres, i cili finalizoi saktë.
Por vetëm pak minuta para përfundimit të pjesës së parë, Elche shënoi me Rafa Mir, i cili e mposhti kurthin e pozicionit jashtë loje të Barcelonës për ta dërguar topin në cepin e largët, duke e lënë Ëojciech Szczesnyn pa asnjë shans për të bërë shpëtimtarin.
Megjithatë, skuadra e Flick rifitoi epërsinë prej dy golash falë një ekzekutimi të shkëlqyer nga Marcus Rashford.
Me këtë fitore ngjiten në 25 pikë, pesë pas Real Madridit pas njëmbëdhjetë ndeshjesh, ndërsa Elche mbetet e bllokuar në 14 pikë.
