Pas negociatave të gjata, Barcelona zgjidhi çështjen e sponsorit teknik. Gjiganti katalanas ka rënë dakord për një kontratë të re me Nike dhe do të vazhdojë të mbajë pajisjet e gjigantit për dhjetë vitet e ardhshme.
Nike do t’i paguajë klubit katalunas rreth një miliardë e gjysmë euro në ato dhjetë vjet, raporton Marca.
Menjëherë pas nënshkrimit të kontratës, Barcelona do të marrë një bonus prej 150 milionë eurosh dhe çdo sezon gjatë kohëzgjatjes së kontratës do të derdhen në llogarinë e klubit katalanas edhe 125 milionë euro të tjera.
Ky është një hap i madh për Barcelonën, e cila ka qenë në një krizë të madhe financiare historike gjatë dhjetë viteve të fundit.
Kjo krizë ishte më e dukshme kur Dani Olmo erdhi nga RB Leipzig këtë verë dhe iu desh të humbiste ndeshjet në fillim të sezonit sepse Barcelona nuk mund ta regjistronte atë përpara se të shiste disa nga lojtarët për të respektuar lojën e ndershme financiare.
Plani i presidentit Joan Laporta është të stabilizojë plotësisht situatën në dy vitet e ardhshme dhe kontrata me Nike është një nga hapat në këtë drejtim.
