Përmes një statusi në Twitter, sekretari i përgjithshëm i PD-së, Gazment Bardhi shkruan se rreziku për bunkerizimin e PD vjen nga kushdo që shpalljen non grata të SB nga SHBA kërkon ta transferojë tek çdo demokrat.
Sipas tij, histeria me brava dhe blinda është një histori e dështuar dhe qesharake, dhe se protesta kombëtare kundër lyerjes së godinës së PD, në oborrin e PD, mund të thërrasë vetëm dikush që e ka humbur arsyen nga një hall i madh.
Bardhi:
Ka vetëm një rrezik për bunkerizimin e PD. Ai nuk vjen as nga adezivët me logon e PD, as nga risistemimi i disa ambienteve të punës për sekretariatin e PD. Rreziku për bunkerizimin e PD vjen nga kushdo që shpalljen non grata të SB nga SHBA kërkon ta transferojë tek çdo demokrat.
Histeria me brava dhe blinda është një histori e dështuar dhe qesharake. Quhet mjerim kolektiv! Njësoj si qëllimi i të ashtuquajturës protestë kombëtare, ku demokratët ftohen të protestojnë kundër Partisë Demokratike! Protesta kombëtare kundër lyerjes së godinës së PD, në oborrin e PD, mund të thërrasë vetëm dikush që e ka humbur arsyen nga një hall i madh. Kjo nuk u shërben demokratëve, por i shërben vetëm Edi Ramës, dhe është vijim i talljes disa mujore me demokratët dhe sakrificën e tyre.
