Sekretari i Përgjithshëm i PD-së, Gazmend Bardhi replikon me kryebashkiakun e Vorës, Agim Kajmaku në lidhje me pretendimin e PD-së se ai është arrestuar, madje është shpallur në kërkim nga shteti grek.
Më herët Kajmaku publikoi një foto të pasaportës duke u shprehur se kohët e fundit ka qenë në Greqi dhe nuk e ka ndaluar kush.
Por Bardhi e pyet nëse mund të udhëtojë drejt shtetit grek me emrin e ndryshuar Jorgo Toto.
“Jorgo Toto i Vorës po tenton t’i bëjë shqiptarët për budallenj.
Tregon pasaportën e Agim Kajmakut, në vend që të tregojë pasaportën e Jorgo Totos, emër me të cilin është arrestuar dhe është në kërkim në Greqi.
Si Agim Kajmaku ke hyrë dhe mund të hysh prapë në Greqi!
Pyetja është, si Jorgo Toto a hyn dot?
Jorgo Toto me foton në TIMS dhe me pasaportën nr. Z 0148497 a je ti?
Që e vërteta do të dalë, për këtë nuk ka asnjë pikë dyshimi! Që ti do të shkosh në burg, edhe këtë mos e dysho! Të ka gënjyer Edi Rama, kur të ka thënë se do të të mbrojë Arta Marku. Më beso! Nuk të ndihmon dot as ajo!”, shkruan Bardhi.
