Sekretari i përgjithshëm i PD-së, Gazment Bardhi i ka kthyer menjëherë përgjigje LSI-së lidhur me deklaratat e kësaj partie për primaret në PD.
Bardhi shkruan në Twitter se sot ish-kryeministri Sali Berisha pohoi me gojën e tij se po i bën mbështetësit e tij shtojcë të LSI.
Ai shton se regjistrimi në zgjedhje ka vulën e LSI-së, komisionerët kanë vulën e LSI-së dhe se “Shtëpia Non-Grata” i shërben Edi Ramës, siç ka bërë që në 2013.
Bardhi:
Izolimi i SB nuk do të sjell kurrë izolimin e PD dhe tentativa për të shpallur Non-Grata logon e PD ka dështuar në 18 Dhjetor. Për demokratët dhe çdo shqiptar që do ndryshimin nuk ka logo tjetër që i përfaqëson përveç asaj të PD.
Sot Sali Berisha pohoi me gojën e tij se po i bën mbështetësit e tij shtojcë të LSI. Nuk ka Shtëpi të Lirisë. Ka Shtojcë të LSI-së në shtëpinë e tyre të përbashkët NON-GRATA! Regjistrimi në zgjedhje ka vulën e LSI-së, komisionerët kanë vulën e LSI-së. “Shtëpia Non-Grata” i shërben Edi Ramës, siç ka bërë që në 2013, me aleancën e dukshme dhe të padukshme mes tyre! Në 6 Mars, kush zgjedh “Shtëpinë Non-Grata” ka zgjedhur Edi Ramën!
