Kërkesat për ndryshime të marrëveshjes së ndarjes të kërkuara nga kryeministri i ri britanik, Boris Johnson, janë të papranueshme dhe BE-ja duhet të përgatitet për një dalje të Britanisë së Madhe pa marrëveshje, paralajmëroi sot negociatori i BE-së, Michel Barnier.
“Boris Johnson deklaroi se nëse do të ketë një marrëveshje, atëherë duhet të eliminohet valvula e sigurisë (çështja e kufirit irlandez, shën. i përkth.). Është dukshëm e papranueshme dhe nuk përkon me mandatin e Këshillit Evropian”, theksoi Michel Barnier në një letër që i drejtohet 27 shteteve të Unionit./ATSH/
