“Ballkanit i duhet një fryme e re europiane ne te gjitha trevat”, deklaroi në Tirane, Dritan Abazoviç, zv.kryeministri i pare shqiptar ne qeverinë e Malit te zi. Ai zhvilloi biseda me kryeministrin Rama , presidentin Meta dhe kryetarin e demokrateve Basha
Dritan Abazoviç, zv. kryeministri i pare shqiptar ne qeverinë e Malit te Zi, i bën thirrje nga Tirana , lidereve politike të Ballkanit, të ndahen nga politikat tensionuese e te fokusohen në projekte konkrete. Ai pranon se në trevat ballkanike ka mungese të traditës demokratike e për këtë është i idesë se ndryshimit të politikbërjes, në mënyrë që të ketë një impakt në shoqëritë në rajon.
Komentet Abazoviç, i bëri pas takimit përmbyllës gjatë qëndrimit në Tiranë me liderin e opozitës Lulzim Basha, ndërsa gjatë ditës ai bisedoi dhe me kryeministrin Rama dhe me Presidentin Meta.
“Është koha për një frymë të re evropiane në të gjithë trevat tona. Detyra jonë është se si politikanë, si njerëz që e shohim është të bëjmë maksimumin që të fusim më shumë etikë në jetën politike, të bëjmë gjëra konkrete. Të gjithë bashkë që t’i përshtatemi vlerave evropiane.”
Kryetari i demokrateve Basha vlerësoi aktivizmin e hershëm politik të Abazoviç në Ballkan.
“Temat tona të diskutimit natyrisht kanë variuar nga demokracia tek politikat rajonale dhe tek objektivat që na përbashkojnë, zhvillimi ekonomik i vendeve dhe i popujve tanë dhe integrimi europian i dy vendeve tona pas përmbylljes me sukses të sfidës së Malit të Zi për tu antarësuar në NATO si anëtari më i ri, natyrisht edhe me mbështetjen e Shqipërisë.”
Dritan Abazoviç zhvilloi këtë vizitë zyrtare në Tiranë, ndërsa qeveria në të cilën ai bën pjesë kaloi një krizë politike për shkak të qëndrimeve kontroverse, ndaj genocidit në Srebrenicë.
Ndërkohë edhe situata e pafavorshme ekonomike në vend i jep shpresë në vend i jep shpresë, mbështetësve të Gjukanovic, një nga sundimtarët më jetëgjatë në rajon, i cili u rrëzua, pas tre dekadash nga zgjedhjet e fundit në Mal të Zi, të parën e një funksionari të qeverisë së re të Malit të Zi, ndërkohë që Podgorica zyrtare sapo ka kaluar një krizë zien nga zërat për ndryshim të qeverisë.
Ndërkohë jashtë selisë blu, Basha vlerësoi zv.kryeministrin Abazoviç, duke e cilësuar atë një etalon të guximit.
“Kam një kënaqësi unike, kënaqësinë e mikpritjes së zv.kryeministrit shqiptar të Malit të Zi, Dritan Abazoviç. Karriera politike e tij është ndërtuar mbi përvojën e gjatë të një aktivisti, të një studiuesi dhe përpiluesi të tezave politike për Ballkanin, Evropën dhe globalizmin dhe është faktuar në luftën e pabarabartë midis forcave për liri dhe rrezikut të autokracisë.
Është një kënaqësi e veçantë, sepse interesi i PD dhe i imi personal për fqinjin tonë verior e në veçanti për bashkëkombasit tonë në Malin e Zi ka qenë dhe mbetet permanent, dhe gjatë bisedës së sotme konstatova se përkushtimi i Abazoviç bën diferencën e dëshiruar prej dekadash nga shqiptarët aty, por edhe nga PD qoftë në qeverisje apo në opozitë. Temat tona të diskutimit kanë variuar nga demokracia te politikat reale, zhvillimi i popujve tanë dhe integrimi në BE i dy vendeve tona. Abazoviç është një etalon i guximit”, tha Basha.
