Kreu i Partisë Demokratike ka dalë në një deklaratë për mediat, pak kohë pasi përpara Selisë Blu foli për mediat ish-kryeministri Sali Berisha me anëtarë të Komisionit të Përkohshëm të Rithemelimit.
“Sot është një ditë bilanci, i të djeshmes tragjike për demokratët dhe të gjithë shqiptarët. Ndodhem këtu prej pa pushim që nga ngjarja bashkë me bashkëpunëtorët e mi, nuk mund të ndaj asgjë tjetër me demokratët përveçse trishtimit të thellë për atë që ka ndodhur dje.
Sot nuk është ditë për t’u krenuar apo qeshur siç bëri ai që ishte pak më parë. Nuk është ditë për të vallëzuar mbi rrënojat e dhunës…është një ditë për të përsëritur atë që kemi thënë prej kohësh, provat e të cilët janë përballë gjithë shqiptarëve. Qëllimi i vetëm i Berishës është që nëse PD nuk e merrte në mbrojtje, atëherë PD nuk meritonte të ekzistonte”, tha Basha.
Ndërkohë gjatë deklaratës për shtyp nga selia blu, ku gjurmët e protestës së ditës së djeshme janë ende aty, Lulzim Basha premtoi ringritjen e Partisë Demokratike.
“Vendosmëria ime është e palëkundur. Do qëndrojmë në këtë betejë për ju, të ndërtojmë edhe nga fillimi aty ku është e nevojshme, të rindërtojmë dhe riparojmë kudo ku pashallarët kanë shkatërruar shpresën e shqiptarëve dhe mundësitë e tyre për një jetë më të mirë. Gjithçka të mirë që kemi që nga rënia e diktaturës është prej qytetarëve të lirë shqiptarë, gjithçka të zezë e kemi prej politikës së dinosaurëve të tranzicionit të cilëve po i vjen fundi një nga një. Detyra ime e parë dhe detyra e parë e çdo demokrati është të ndërtojmë gjithçka duke u bazuar te hallet dhe problemet e shqiptarëve. Pavarësisht se ky objektiv është në konflikt të plotë me një grusht të vogël njerëzish që janë trekëndëshi i Bermudës dhe një grusht oligarkësh financiarë dhe grupet e krimit të organizuar”, tha Basha.
Basha tha para mediave se Sali Berisha dhe Edi Rama janë njësoj, duke e bërë të barazvlefshme 8 janarin me 21 Janarin. Kreyedemokrati tha se Berisha dhe Rama eksitohen nga dhuna dhe se ai nuk ëhstë si ata.
“Ndodhem këtu papushim që nga ngjarja, nuk mund të ndaj asgjë tjetër me demokratët dhe gjithë shqiptarët përveç trishtimit ët thellë për atë që ka ndodhur dje. Sot nuk është ditë për tu krenuar apo për të qeshur, nuk ëhthë ditë për të vallëzuar mbi rrënojat e dhunës siç bëri ai që ishte më parë, të një agresioni që s’ka asgjë të përbashkët me demokracinë dhe vlerat e familjes tonë. Është një ditë për të përsëritur atë që kemi thënë prej ditësh. Qëllimi i vetëm i Sali Berishës është qëllimi që e ka deklaruar që në korrik që nëse PD nuk e merrte nën mbrojtje pasi u shpall non grata, atëherë PD nuk e meritonte të ekzistonte”, tha Basha.
