Siç është bërë e zakonshme gjatë fushatës elektorale dhe jo vetëm, në kuadër të asaj që ai e quan “100 dështimet e Edi Ramës”, kryetari i Partisë Demokratike Lulzim Basha ndalet këtë mëngjes te çmimi i ushqimeve.
Përmes disa “story”-ve në Instagram, lideri i Opozitës shprehet se, çmimet e ushqimeve në Shqipëri jo vetëm që janë më të lartat në rajon, por edhe sa i përket mesataret së Bashkimit Europian.
“Ndonëse shqiptarët kanë të ardhurat më të ulta në rajon, çmimet e ushqimeve në Shqipëri kushtojnë sa 81% e mesatares së Bashkimit Europian”, shkruan Basha duke cituar statistikat e EuroStat.
