Kryetari i Partisë Demokratike, Lulzim Basha është shprehur se qeveria duhet të ndryshojë strategji dhe të rritet numri i testimeve.
deklarata e Bashës:
Harta e të infektuarve është zgjeruar. Kjo sjell domosdoshmëri në rritjen e numrit të testimeve dhe ndryshimin e strategjisë së qeverisë.
Duhet nisur me testimet e stafit mjekësor dhe të atyre që janë në vijën e parë të punës.
Testimi na jep shifrat e sakta dhe përmasat e infeksionit real në Shqipëri. Mungon testimi për stafin mjekësor dhe të forcave të rendit. Duhet rritur urgjentisht numri i testimeve.
Nëse nuk zhvillojmë testime nuk do dalim dot nga kjo situatë. Nuk mund të dalim nga kjo situatë pa një plan dhe plani bazohet në rritjen e numrit të testimeve.
