Kryedemokrati Lulzim Basha, gjatë një takimi që ka bërë me qytetarët në Ndroq ka përsëritur edhe njëherë se nuk do pranojë të bëjë bashkëqeverisje me Kryeministrin Edi Ramën.
Në fjalën e tij ai ka thënë se ndryshimi është në dorën e shqiptarëve, duke shtuar se Rama atë që nuk e ka bërë për 8 vite nuk do e bëjë për 4 vitet e ardhshme.
“Ndryshimin që ta bëjmë të vërtetë, të gjithë së bashku. Për 8 vite me radhë dështuan. Shikojni fshtarat si janë si mos të kishin pasur qeveri fare. Kam një thirrje për socialistët që i takoj ditë për ditë që vijnë dhe bashkohen me ndryshimin. Në zemrat e tyre nuk vazhdohet më kështu. Ne jemi një familje e një komb. Keni vuajtur të njëjtat sfida dhe probleme. Ejani dhe bashkohuni me marshimin tonë drejt ndryshimit. 8 vite me radhë dështoi dhe tani që ka kuptuar se shqiptarët duan ndryshim kërkon të bëhet pjesë e qeverisjes në aleancën për ndryshim. Përgjigjia im është jo. Sepse siç e ka thënë dikur vetë, kur ke patur 8 vjet dhe s’ke arritur asgjë. Nuk ke pse kërkon 4 vite të tjera. Rreziku më i madh për Shqipërinë është një mandat i tretë për Edi Ramën. Nuk mund të ketë qeverisje me Edi Ramën që dështoi për 8 vite me radhë. Etja për ndryshim e shqiptarëve do të kthehet në 25 prill. Fati i familjeve shqiptarëve është në dorën tuaj. Bashkë për ndryshim. Ju e dini fare mirë se ndryshimin nuk mund ta sjellë ai që ju la për 8 vite në baltë. Votoni numrin 9 për ndryshim, për familjet tuaja, për një Shqipëri Evropiane pë të ardhmen tuaj”, tha ai.