“Duke liruar ambientet e punës së kryetarit të partisë, si dhe duke kryer menjëherë dorëzimet përkatëse te Komisioni i Përkohshëm i Rithemelimit të PD deri më datë 5 janar 2022,” ishte ultimatumi për Bashën.
Lulzim Basha, jo vetëm nuk konsideron kuvendin dhe referendumin për shkarkimin e tij, por nuk e merr seriozisht, as ultimatumin për të liruar zyrat deri në 5 janar. Në një komunikim për mediet vetëm pak minuta pas dorëzimit të shkresës në selinë blu nga Komisioni për Rithemelimin, ai u shpreh se PD i ka marrë vendimet e saj dhe Kuvendi i 18 dhjetorit është përqafimi i të ardhmes.
“Çdo vendim i PD do jetë në funksion të njerëzve, në funksion të halleve të tyre, nuk na plas për karriget e atyre që paskan qenë këtu vetëm për karrige,” tha Basha.
Për rrjedhjen e te dhënave sensitive te shqiptareve, Basha tha se kryeministri Rama duhet të jepte dorëheqjen pasi u konfirmua qe ky skandal është pjese e skemës së krimit elektoral të patronazhistëve.
“Janë marrë copa-copa, apo janë marrë si një e tërë skandali i rrjedhjes së ët dhënave personave të shtetasve shqiptarë sa i takon të ardhurave të tyre është vetëm konfirmim i skemës kriminale të krimit elektoral,” tha Basha.
Kryetari i Partisë Demokratike tha se SPAK, është nën presion për të mos e hetuar këtë skandal.
“I bëj thirrje përfaqësive të huaja në Tiranë të ofrojnë gjithë mbështetjen e nevojshme për SPAK, për strukturat relevante në Policinë e Shtetit dhe për Shërbimin Informativ Shqiptar, sepse në momentin që flasim informacionet pranë PD tregojnë për një presion të jashtëzakonshëm politik,” shtoi Basha.
SPAK, tha Lulzim Basha, ka gjithë mbështetjen PD, teksa tu shpreh se do vijojë hetimi parlamentar.
