Lulzim Basha ka dalë në një deklaratë për mediat pas mbledhjes që ka zhvilluar me grupin parlamentar të PD.
Basha u shpreh se grupi Parlamentar i PD ka vendosur që të depozitojë kërkesën për uljen e TVSH nga 20% në 6 %.
Lulzim Basha: Vetëm sot INSTAT ka publikuar të dhënat që çdo prind e prek në tavolinën e bukës dhe kjo është varfëria ekstreme e cila po shërbehet nga rritja galopante e çmimeve.
Ne nuk mund të rrimë para kësaj situate, thjesht në rrafshin e denoncimit parvarësisht se faktori dihet. Janë politikat zhvatëse të kësaj qeverie që në çdo aspektet paratë i çon të xhepat e veta. Grupi Parlamentar i PD do të depozitojë në kohën më të shkurtër të mundshme propozimin për të vendosur uljen e TVSH nga 20% në 6% . Ky nuk është thjesht një propozim politik, por një hap i domosdoshëm për të ndihmuar njerëzit që janë në varfëri ekstreme. Është edhe një veprim politik. Ne do kërkojmë uljen e TVSH, duke provuar se ky shtet e ka mundësinë, që duke ia hequr paratë, favoret një grushti njerëzve që punon kjo qeveri, t’u shërbejë qytetarëve, për këtë krizë ekonomike.
Më tej kreu i opozitës ka theksuar se në parlament janë për të kthyer legjimitetin dhe demokracinë në vend.
Lulzim Basha: Ne jemi në parlament në funksion të kthimit të legjimitetit dhe të demokracisë në vend, që është asgjësuar nga masakra zgjedhere.
