Kreu i Partisë Demokratike, Lulzim Basha, teksa ka risjellë në vëmendje raportin
Transparency International dhe Instituti për Demokraci dhe Ndërmjetësim të publikuar në mars të këtij viti mbi zbërthimin e kapjes së shtetit në Shqipëri 2008-2020, thotë se një shtet i kapur nga korrupsioni nuk i shërben qytetarëve, por një pakice që gjallon në kurriz të shumicës dërrmuese të shqiptarëve, ndaj edhe buxheti është në funksion të PPP-ve klienteliste, jo të familjeve dhe sipërmarrjeve të ndershme.
Basha shprehet se kjo krizë korrupsioni po varfëron qytetarët, po largon të rinjtë e të rejat dhe po asfikson ekonominë.
Zgjidhja është pastrimi i politikës nga të korruptuarit dhe politikanët e lidhur me krimin. Zgjidhja është vettingu në politikë.
