Lulzim Basha zhvilloi takime me demokratët në qarkun e Shkodrës, ku ka kërkuar mbështetjen për një mandat të tretë në krye të Partisë Demokratike, për të vijuar atë që e quan betejë kundër regjimit kriminal Rama-Doshi.
Basha tha se Shkodra është prova më e madhe e masakrës elektorale të 25 prillit, ndërsa tha se Partia demokratike është shpresa e vetme për demokracinë.
”Më 25 prill ne dolëm në betejë njësoj si në marsin e ’91 pa asnjë pushtet real. Me pushtetin simbolik të Shkodrës rrethuar tash 8 vite nga pushtetit shtazarak dhe diabolik i Edi Ramës në çdo kuptim, por me pushtetin më të fortë që mund të ketë një krijesë njerëzore. Me pushtetin më të madh që mund t’i falë Zoti që është pushteti i zemrave të pastra, ‘‘ tha Basha.
Lulzim Basha tha se përkundër masakrës elektorale, bashkimi dhe vlerat e PD-së, janë arsye pse kjo forcë politike nuk doli e tkurrur nga zgjedhjet e prillit.
Kandidati për një mandate të tretë në krye të selisë blu, ashtu sikurse thuajse në të gjitha degët e Partisë Demokratike, përsëriti qëndrimin e tij se nuk do të ketë bashkëpunim me Partinë Socialiste dhe kryeministrin Edi Rama.
”Bashkimi dhe vlerat tona janë arsyet kryesore se përkundër masakrës në Shkodër dhe mbarë Shqipërinë PD-ja nuk doli më e tkurrur, më e vogël apo kokëposhtë por doli më e madhe më e vendosur dhe me kokën lart. Me kokën lart ju gjej sot dhe kështu dua t’ju shoh deri në fundin e pashmangshëm të kësaj beteje që nuk mund të jetë dorëzimi i Shkodrës, nuk mund të jetë rënia e Shkodrës, nuk mund të jetë rënia e Shqipërisë, nuk mund të jetë fundi i saj, nuk mund të jetë fundi i demokracisë. Do të jetë rënia e regjimit, kthimi i legjitimitetit për Shqipërinë dhe për shqiptarët,” u shpreh Basha.
Kandidati për një mandat të tretë në krye të selisë blu, ashtu sikurse thuajse në të gjitha degët e Partisë Demokratike, përsëriti qëndrimin e tij se nuk do të ketë bashkëpunim me Partinë Socialiste dhe kryeministrin Edi Rama.
