Kryetari i Partisë Demokratike Lulzim Basha ka vizituar sot një çift të ri, të cilëve u ka shpjeguar planin ekonomik.
Basha ka thënë se PD ka menduar për familjet e reja, teksa është ndalur te parashikimet për ndihmë ndaj fëmijëve deri në një moshë pjekurie.
Basha: Me planin tonë ekonomik ne i gjendemi pranë të rinjve, veçanërisht familjeve të reja nga fillimi deri në vazhdimësi. E para për çdo fëmijë të porsalindur do të jepet çdo muaj një përkrahje prej 30 mijë lekë të vjetra. Nuk është ndonjë shumë mrekulli, por është një shumë e mjaftueshme për të përballuar kostot shtesë që sjell një fëmijë i porsalindur deri në moshën 5 vjeç. Nga njëra anë kjo ju mbështet ju si çifte të reja me koston shtesë që sjell një fëmijë, nga ana tjetër kjo ndihmon për të luftuar plakjen, sepse popullsia shqiptare po plaket për shkak të emigracionit dhe rënies së madhe të lindshmërive.
Me fillimin e shkollës plani ynë parashikon së pari tekste falas, pra iu heq një pjesë të madhe të kostos së fëmijëe. Së dy parashikojmë që të nisim një sistem që me pas ta shtrijmë në të gjithë vendin, ku edhe pasi ta mbarojnë mësimin fëmijët të kenë mundësi të qëndrojnë për të bërë detyrat, për aktivitetet jashtëshkollore dhe të mbështeten me një drekë nga shteti. Së treti, kur është faza e futjes në universitet apo në studimet profesionale, parashikojmë për të gjithë ata që vijnë nga familje me të ardhura nën 640 mijë lekë të vjetra në muaj, të mos paguajnë tarifat. Këto tarifa të paguhen nga buxheti i shtetit. Për familjet në nevojë ekonomike të ketë edhe mbështetje ekonomike për t’i mbështetur për t’u futur në jetë.
Pra dora e shtetit të ndihet që në momentin që lind fëmija dhe deri në momentin që do të futet në jetë dhe të gjejë një vend pune.