Kreu i Partisë Demokratike, Lulzim Basha në një postim në Facebook, shkruan se raporti i ODIHR-it i rrëzoi votimet e 30 qershorit.
“Edhe pse shumë i kujdesshëm për të mos e acaruar klimën politike, raporti i ODIHR-it i rrëzoi votimet e 30 qershorit. Jo vetëm zgjedhje të paligjshme, jo vetëm zgjedhje një partiake, por edhe zgjedhje te vetë-vjedhura”, shkruan Basha.
Më tej Basha shkruan se “Edi Rama kandidoi vetë, votoi vetë, numëroi vetë dhe prapë manipuloi”.
Për kreun e demokratëve ky regjim ka degraduar dhe vetëm një ndryshim i thellë mund të na shpëtojë nga autokracia.
“Ky regjim është tashmë i degraduar plotësisht. Vetëm një ndryshim i thellë i strukturës politike, kushtetuese dhe ekonomike të vendit mund të na shpëtojë nga autokracia, krimi, varfëria dhe prapambetja”, përfundon Basha./Ora News/
