Kryetari i PD, Lulzim Basha ka zhvilluar sot takime me qytetarë në rrugët dhe lokalet e Tiranës.
Ai tha se shqiptarët nuk po kërkojnë mrekulli por një shans për të jetuar në vendin e tyre.
“Shqipëria do ndryshojë, me 25 do bënë të gjithë bashkë ta ndryshojmë. Me 25 është në dorën e njerëzve, në atë moment e keni ju në dorë, askush tjetër. E patë se çfarë programesh ka Europa për rininë. Arsim profesional. Ne tani akoma në opozitë i ka gati. Ne kemi hedhur hapa konkret, kurset profesionale, trajnimi profesional online, gjuhët e huaja të gjitha të subvencionuar nga shteti shqiptarë me ndihmën e Bashkimit Europian”, tha ai.
Në bashkëbisedim me të rinjtë që shprehen se bëjmë shkollë kot dhe jemi pa punë, Basha tha se të krijohen vende punë duhen dy kushte.
“Kushti i parë është të ketë investime të brendshme dhe të huaja, ato hapin vendet e punës. Kushti i dytë është që të këtë forcë të kualifikuar, sepse mund të mbarosh universitetin por nëse nuk ke praktikë, në qoftë se nuk je trajnuar në një profesion, nëse nuk ke bërë stazh mjaftueshëm, nuk je në gjendje të integrohesh në tregun e punës. Kjo ishte biseda që bëmë dje me Komisioneren, ku na kishte ftuar një nga universitete më më të njohura të Austrisë. Ne kemi bashkëpunuar me ta. Ne kemi filluar punë dhe ndonëse jemi në opozitë kemi filluar që ditën e ardhjes në pushtet të fillojmë menjëherë punë. Këto ishin përgatitjet. E para pesë gjuhë të huaja do të ofrohen online pa pagesë për rininë. Dhe e dyta po kështu me këto universitete 20 profesione të ndryshme online, që nga trajnimi në të teknologjisë së informacionet dhe fusha të ndryshme. Këto janë dy hapa konkret që do hidhen që prej ditës së parë të qeverisjes”, tha ai.
Basha tha se 25 do jetë ditë ndryshimi sepse është në dorën e njerëzve, sepse nuk është në dorën e atyre pesë vetëve që bëjnë edhe ligjin dhe Maliqin. “Pra me 25 e keni në dorë ju dhe duhet të bëni vetëm një gjë të shkoni masivisht në kutitë e votimit dhe të votoni për ndryshimin. Bëhuni gati për ndryshimin”, u shpreh Basha.
