Kryetari i PD, Lulzim Basha vijon turin e tij të takimeve me bizneset.
Ditën e sotme ai është ndalur në Tiranë.
Sipas liderit të opozitës, qeveria nuk ka asnjë plan për nxjerrjen e vendit nga kriza ekonomike, ndërsa premtoi se me zgjedhjen e tij kryeministër qytetarët do të kenë një derë ku të trokasin.
“Nesër me ne në qeveri do të jeni prioritet kryesor”, i tha Basha përfaqësuesit të një biznesi të vogël.
“Të jetojmë me nder e dinjitet në vendin tonë. Është një vend I bekuar nga Perëndia, por i mallkuar nga qeveria. Të jeni të sigurtë se do të keni një derë për të trokitur për problemet tuaja. Do bëj gjithçka të jem krahj jush këto 6 muaj”, u shpreh ndër të tjera Basha.