Kreu i PD-së Lulzim Basha, ka deklaruar se Shqipëria është një vend i kapur nga korrupsioni. Nëpërmjet një statusi në “Twitter” Basha shkruan se mirëqenia e qytetarëve vetëm ka rënë, ndërsa shprehet se Vetingu në politikë shkëput Shqipërinë nga kthetrat e korrupsionit.
Duke shpërndarë në Twitter një studim të “World Justice Project”, që e rendit Shqipërinë të 83-në nga 139 shtete, e fundit në Europë, në Indeksin e Sundimit të Ligjit, kryetari i Partisë Demorkatike Lulzim Basha thotë se vendi ynë është një vend i kapur nga korrupsioni. Kreu i opozitës shkruan se mirëqenia e qytetarëve ka rënë, ndërsa shprehet se Vettingu në politikë shkëput Shqipërinë nga kthetrat e korrupsionit.
“Në sytë e shqiptarëve dhe mbarë botës, Shqipëria është një shtet i kapur nga korrupsioni, ku fuqia e pushtetit rritet, ndërsa mirëqenia e qytetarëve vetëm bie. Që pushteti t’u kthehet qytetarëve, duhet të marrë fund pandëshkueshmëria e politikanëve të korruptuar, duhet pastruar politika nga abuzuesit që janë pasuruar në kurriz të qytetarëve, duhet një orë e më parë #vettingnëpolitikë”, shkruan Basha.
Lulzim Basha thotë se duhet të marrë fund pandëshkueshmëria e politikanëve të korruptuar. Ai garanton se pushteti do t’u kthehet qytetarëve duhet pastruar politika nga abuzuesit që janë pasuruar sipas tij në kurriz të qytetarëve.
