Lideri i opozitës ka paralajmëruar se Shqipërisë po i vjen përballë një krizë e rëndë me Covid, nëse qeveria nuk vendos të reagojë tani.
Në konferencë për shtyp me gazetarët, Lulzim Basha e ka quajtur Ramën ‘Robert Çamçakëzi’, që del para kamerave për të bërë shoë dhe për t’i kërkuar shqiptarëve maska me detyrim, në një kohë kur qeveria e drejtuar prej tij nuk është e aftë të pajisë me maska as mjekët.
Me tone ironie, Basha i ka kujtuar Ramës premtimin e kahershëm për hapjen e spitalit Covid3, që sipas tij është thjesht një gënjeshtër e kryeministrit, pasi qeveria jo vetëm që nuk ka investuar në infrastrukturë, por po ul dhe numrin e testimeve për Covid.
Deklarata e Bashës:
Çfarë po bëhet me covd 3? Keni xhiruar? S’ka asnjë investim, s’ka Covid 3, vetëm propagandë, ndërkohë numri total i të infektuarve krahasuar me 10 ditë para është rritur me 30% në vetëm 10 ditë. Paralajmërimi se sistemi shëndetësor po shkon drejt një kolapsi tashmë po ndodh.
Tashmë që flasim kolapsi i sistemit shëndetësor është realitet nuk është më paralajmërim si ai që kemi bërë para 3 muajsh e prezantimit të planit tonë.
I vetmi që s’ka marrë asnjë masë për këtë situatë që na ka trokitur në derë është Rama.
I është kthyer ritualit e dërdëllitjeve në tv, por për covid ka vetëm një fjalë, vini maskën.
Maskën që 1 në 3 shqiptarë s’ka lekë ta paguajë se o është pa punë, ose ska lekë ta përballojë.
Ka njoftuar paketën e tretë, s’ka paketë të tretë, mbi të gjitha ka braktisur shëndetësinë, mjekët e infermierët, detyrën elementare për të mbrojtur jetën e shëndetin e qytetarëve.
Kjo është neglizhencë kriminale është për ndjekje penale, do ketë kohë e s’do ketë gjyqtarë e prokurorë që ti bëjë presion Edi Rama.
Të lërë gërrvërret e dërdëllitjet e bredhjet si robert camcakëzi e të marrë urgjent masa për shëndetësinë.
Të arrihet urgjentisht në 2500 testime në ditë për të paraprirë situatës që ndodhemi përpara një rritje tjetër të frikshme të kurbës së infeksionit.
Kjo është përgjegjësi personale e Ramës dhe kukullave të tij.
