Nga njësia 8 kryedemokrati Lulzim Basha votoi për kandidatët për deputetë dhe edhe u pyet nga gazetarët për ngjarjen e demokratëve të Korçës,ku u votua kundër Klevis Balliut.
“Sot kam ushtruar edhe unë të drejtën time si anëtar në një proces që bëhet për herë të parë në Shqipëri dhe në rajon, votën e anëtarësisë. Ky proces është zhvilluar në gjithë Shqipërinë, sot kulmon në Tiranë pjesëmarrja është tregues i qartë i pjekurisë politike.
Shqiptarët duan dhe presin ndryshim dhe ndryshimi nis nga vota. Falënderoj demokratët, partnerët tanë që na ndihmuan të hedhim këtë hap, që nuk është vetëm një risi për PD, por për të gjithë rajonin. Demokracia nis nga brenda shtëpisë. Ky proces po shkon drejt përfundimit duke mbajtur zotimin e dhënë për demokratët. Beteja e vërtetë na pret. Demokratët shqiptarë janë të vetëdijshëm për pritshmëritë dhe urgjencën e cdo shqiptari për të sjellë një ndryshim real. I siguroj shiptarët se procesi që po përfundojmë , demokratizimi i PD sot do të jetë nesër një nga shtyllat e programit tonë, që vota e cdo qytetari të ketë peshën e saj dhe qeveria mos jetë peng i një grushti njerëzit, të jetë peng e një grushti njerëzisht”, u shpreh Basha.
Gjithashtu Basha kur u pyet për përjashtimitn nga lista e kandidatëve të PD në Pogradec të ish-deputetit Klevis Balliu deklaroi:
“Është një proces që nuk ka të humbur. Padyshim nga 3600 propozime mund të themi që shumica dërrmuese e tyre posedojnë kualitetet e përfaqësimit politik por ju e dini fare mirë se nuk parlament në botë që të ketë 3600 deputetë. Vetë procesi është dizenjuar në mënyrë të tillë që një numër i madh i të propozuarve nuk janë të skualifikuar, nuk janë të humbur por përbëjnë pjesë të burimeve njerëzore të PD-së për të drejtuar nesër qeverisjen e vendit”, tha ai.
