Përkeqësimi i motit ka përfshirë të gjithë vendin që prej ditës së djeshme por siç duket Vlora është vendi më i prekur. Meteorologët kanë parashikuar përkeqësim të motit që shoqërohet nga stuhia dhe era e fortë.
Kjo ka bërë që bashkia t’ju bëj thirrje qytetarëve vlonjatë që të shmangin të gjitha lëvizjet me makina për shkak të shirave të dendur dhe erërave të forta qe priten ne vijim.
Kujtojmë që, dje autoriteti portual njoftoi pezullimin e lundrimit për anijet e vogla dhe ato të peshkimit.
Njoftimi i plotë nga Bashkia Vlorë:
Të dashur qytetare!
Duke parë kushtet e motit në Vlorë, por edhe në të gjithë vendin, do ju luteshim të shmangnit të gjitha lëvizjet me makina për shkak të shirave të dendur dhe erërave të forta qe priten ne vijim.
Kujdesuni për veten dhe familjarët tuaj!
Për çdo nevojë vendosni kontakt me Ujësjellës Kanalizimet dhe Shërbimet publike të Bashkisë.