OBRM-PDUKM është parti sinonim i krimit dhe korrupsionit dhe lideri i saj mburret gjithandej se i di saktësisht përmendësh të gjithë tenderët në komunat ku udhëheq OBRM-PDUKM, thuhet në kumtesën e BDI-së.
“Dhjetra procese gjyqësore janë ende aktive kundër zyrtarëve të tyre të shquar që nuk arritën të largoheshin nga vendi. OBRM-PDUKM është partia e fundit që duhet të flasë për krimin dhe korrupsionin.
Mickoski dhe bashkëpunëtorët e tij vunë dorën në mjaltë kur erdhën për herë të parë në pushtet, duke dëshmuar se asgjë tjetër nuk mund të pritet prej tyre.
OBRM-PDUKM është parti pa ideologji dhe pozitë, me lidhje që arrijnë deri në Kremlin dhe interesi i vetëm i saj është dëshira e zhveshur për pushtet dhe fitim.
Është një organizatë patriotësh të rremë që i luten Zotit që dikush tjetër t’i zgjidhë problemet e qytetarëve, ndërsa ata përfitojnë nga nacionalizmi dhe nxitja e tensioneve.
Mickovski vazhdon të konfrontohet me BDI-në me dëshirë që do të perceptohet si politikan i ligës së parë. E ka të kotë”, thone nga BDI.
Siç potencojnë nga BDI , kjo parti qëndron qartë në qëndrimet e veta dhe mbështet institucionet hetimore që të kryejnë punën e tyre pas çdo rasti apo dyshimi për parregullsi.
