Bashkimi Europian do të lehtësojë gradualisht kufizimet e udhëtimeve antiCovid-19 për udhëtarët nga Shtetet e Bashkuara të Amerikës, Shqipëria dhe gjashtë vende të tjera pas një marrëveshjeje që do të arrihet sot mes 27 vendeve anëtare.
”Udhëtarët nga SHBA, Shqipëria, Hong Kongu, Libani, Makao, Maqedonia, Serbia dhe Tajvani duhet ta më të lehtë për t’u futur në bllok”, tha presidenca portugeze e BE-së për agjencinë gjermane të lajmeve, DPA.
Sidoqoftë, i mbetet secilit shtet anëtar të BE-së të vendosë saktësisht se cilat kërkesa u imponon udhëtarëve.
Është ende për t’u vendosur data e zbatimit të këtij vendimi.
Në fillim të pandemisë, të gjitha vendet e BE-së përveç Irlandës ndaluan udhëtimet jothelbësore, me përjashtim të disa rrethanave.
Shtetet joanëtare të BE-së, Norvegjia, Lihtenshtejni, Zvicra dhe Islanda gjithashtu morën pjesë në ndalimin e hyrjes.
Tetë vendet e aprovuara rishtazi nga ambasadorët e BE-së për udhëtime më të lira i bashkohen Australisë, Izraelit, Japonisë, Zelandës së Re, Ruandës, Singaporit, Koresë së Jugut dhe Tajlandës.
”Vendimi i së mërkurës do të miratohet zyrtarisht deri në fund të javës”, sipas një zëdhënësi të presidencës portugeze të BE./
