Pas dhimbjes dhe panikut, qytetarët e Bejrutit janë përfshirë nga zemërimi dhe janë ngritur në protesta anti qeveritare.
Pas shpërthimit katastrofik të së martës, manifestuesit u përleshën me forcat e sigurisë pranë godinës së parlamentit, ndërsa polica u kundërpërgjigj me gaz lotsjellës.
Demonstruesit fajësojnë politikanët për shpërthimin, duke i akuzuar ata për korrupsion dhe keqmenaxhim. Nga ana tjetër, agjencia shtetërore e lajmeve bëri të ditur se 16 persona janë ndaluar, si pjesë e hetimeve të njoftuara këtë javë nga autoritetet.
Përveç viktimave, dhjetëra persona vijojnë të jenë të zhdukur në kryeqytetin libanez. Autoritetet shëndetësore ngrenë alarmin për gjendjen e mjerueshme në spitale, ku mungojnë shtretërit dhe pajisjet për trajtimin e pacientëve në gjendje kritike.
Sakaq, mbi 300 mijë vetë besohet të kenë mbetur të pastrehë.
