Belgjika nuk do t’i dorëzojë Spanjës zyrtarët indipendentistë katalanas, Carles Puigdemont dhe Toni Comin, para se Parlamenti Evropian të shprehet për një kërkesë për heqjen e imunitetit të këtyre dy eurodeputetëve, theksoi sot drejtësia belge.
Një prej avokatëve të katalanasve, Simon Bekaert, konfirmoi vendimin e dhënë nga dhoma e këshillit të Gjykatës së Brukselit.
“Gjyqtari vendosi për të shtyrë datën e trajtimit të kërkesës së ekstradimit, në pritje të vendimit të Parlamentit Evropian mbi kërkesën për heqjen e imunitetit”, deklaroi avokat.
Puigdemont, ish-presidenti i rajonit të Katalonjës dhe Comin, një prej ish-ministrave të tij ishin arratisur në Belgjikë në fund të tetorit 2017 pas një tentative për shkëputje./ATSH/
