Një dhi prej qeramike e bërë nga vetë duart e Mbretit Charles është shitur për 8500 paund. Kafsha prej qeramike, e cila ka qenë prej 55 vitesh në raftin e kanadezit Raymond Patten, doli në ankand në Staffordshire të martën.
Punimi iu dha Patten në ditëlindjen e tij të 21-të nga tezja e tij që punonte si kuzhiniere në Universitetin e Kembrixhit.
“Unë besoj se ajo e njihte Mbretin e ardhshëm në baza personale. Unë e kam çmuar dhinë gjithë jetën time” tha Patten.
Charles Hanson, nga Hansons Auctioneers, shtoi: Raymond vendosi të ndahej me dhinë për shkak të rëndësisë së saj historike. Ai është në vitet e tij të pensionit dhe donte t’i gjente një shtëpi të re ku do të çmohej për dekadat e ardhshme.
