Ish-kryeministri Sali Berisha ka reaguar pas zgjedhjes së emrit të Bledi Çuçit nga kryeministri Rama si ministër i Brendshëm.
Përmes një statusi në rrjetin social “Facebook”, Berisha shkruan se Rama po e shndërron këtë ministri dhe organet e varura prej saj në ministri private dhe familjare.
Sipas Berishës, duke emëruar në krye të ministrisë së Brendshme burrin e ish-gruas të tretë të tij, zonjës Delilna Fico, Rama kryen një akt shkatërrimtar e te pashembullt.
Postimi i plotë
Edvini e bën të familjes Ministrinë e Brendshme!
Të dashur miq, me emërimin ministër të Brendshëm të burrit të gruas së tretë të tij, Edvin Kristaq Xhelati për herë të parë në historinë 108-vjeçare të shtetit shqiptar shndërron këtë ministri dhe organet e varura prej saj ne ministri dhe institucione private familjare.
Duke emëruar ne drejtimin e ministrisë se brendshme Bledar Çuçin, një njeri te familjes se tij të vogël dhe konkretisht burrin e ish-gruas te trete te tij, zonjës Delilna Fico, me te cilën ruan te gjitha marrëdhëniet e ngushta familjare përveç atyre martesore, Edvini kryen një akt shkatërrimtar e te pashembullt, te cilin nuk ia ka lejuar vetes asnjë shef i ekzekutivit shqiptar nga viti 1912 gjer sot kryeministër, Mbret, apo diktator qofte ai.
Me këtë akt te pashembullt ne historinë e shtetit shqiptar, Edvini tregon se ai shfrytëzoi rastin e vrasjes pas shpine te Klodian Rashes për t’i dhënë duart Sander Lleshajt dhe për te shtënë totalisht ne kthetrat e tij dhe familjes se tij mafioze ministrinë e dhunës, drogës dhe krimit elektoral.
Ky emërim unik ne historinë e Shqipërisë është një kushtrim për çdo shqiptar te ngrihet kundër këtij regjimi te kalbur nepotik qe nuk njeh ligj,norme as etike shteti, për te përmbysur sa me pare dhe me çdo kusht Edvin Kristaq Xhelatin dhe narkoshtetin e tij.
