Ish-kryeministri Sali Berisha në RTV Ora u shpreh se marrëveshjen e 2017, me kreun e opozitës Lulzim Basha, kryeministri Edi Rama e shkeli me të dyja këmbët.
“Secili ka të drejtë të ketë mendimin e vet. Sa i përket betejës e kam bindjen e thellë që bëhet për rivendosjen e votës. Zgjedhjet e 2017 u paraprinë nga një marrëveshje. Ajo marrëveshje nënkuptoi që do bëhen zgjedhje. Opozita arriti të evidentoi sa mundi, por jo aq sa për të mos njohur rezultatin. Kryetari i opozitës mori përgjegjësinë e tij. Deklaroi ku i bëri gabimet. Ndodhi që dolën regjistrimet. Regjistrimet i kishte Prokuroria.
A kishte të drejtë opozita që ndenji e ngujuar për 90 ditë për çështjen e votës?
A bëri mirë Rama që e zbatoi marrëveshjen me Avdyltë dhe jo me opozitën.
Rama nuk zbatoi marrëveshjen e shkeli atë me të dyja këmbët. Nga një anë firmosi dhe nga ana tjetër aktivizoi bandat për të bërë zgjedhjet. Dolën të dhënat dhe asnjë masë. Pse opozita e pengoi drejtësinë te merrej me to. Drejtësia njeriu i parë që duhet të arrestojë është Rama”, tha Berisha.
Berisha u shpreh se nëse në kohën e qeverisjes së tij klima politike do të ishte në të njëjtën situatë, pra nëse opozita nuk do të merrte pjesë proces, ai kurrë nuk kishte për të shkuar në zgjedhje.
“Alfred Moisiu ndryshonte datën pa pyetur fare. Pyeste vetëm Edi Ramën. Edhe atëherë unë isha i vendosur që në zgjedhje të mos shkoja pa opozitën dhe nuk bëja luftë me presidnetin”, tha Berisha dhe shtoi se “kurrë nuk do të shkoja në zgjedhje. Zgjedhjet nuk janë për qeverinë, por për partitë politike. Zgjedhjet nuk janë vetëm procedurë, por janë edhe substanbcë, kur ka alternativë”.
