Ish-kryeministri Sali Berisha, ka reaguar me kritika ndaj kryeministrit Edi Rama.
Ish-kryeministri theksoi se Rama ka një qëndrim anti-shqiptar dhe se Shqipëria është i vetmi vend që arreston qytetarë për çështje civile.
Ai gjithashtu u shpreh se më 8 janar , kryeministri Rama tregoi se ishte autori i pushtimit të PD, me urdhër nga Beogradi.
‘A mund të imagjinoni ju një qeveri që në 8 vite shpërdoron jo një apo dy, por sipas kontrollit të shtetit 8.2 miliardë euro. Ndaj kudo që t’i ktheni sytë në këtë vend , gjeni aq sa një qeveri normale realizon në 6 muaj. Ai është armik i egër i qenies tuaj sepse çdo ditë arreston njerëz që nuk paguajnë dot fatura sepse nuk kanë. Edhe në diktatura atyre ua jep me vlerë simbolike. Shqipëria është i vetmi vend në botë që arreston qytetarë për çështje civile dhe kjo është në përputhje me doktrinën e Millosheviç. Ai ka një qëndrim anti-shqiptar ndaj veriut të vendit. Edhe jugun e vjedh, vërtet ka çuar para shumë më tepër, por atje ka vjedhur 10 herë më tepër. Ne me agjendën e lirisë duam të japim përgjigje më të vendosur , të përmbysim narkoshtetin dhe të çojmë shqiptarët drejt zgjedhjeve të lira. Ne jemi misioni i shenjtë të kthejmë votën e lirë tek shqiptarët. PS nga viti 2009 nuk ka votuar asnjëherë. Atje i zgjedh sikur të jetë tufë kryetari dhe shpeshherë ata i marrin vesh nga mediat. Ja si u katandis, ajo që duhet të ishte parti e shpresës. Duhet të kuptohet nga çdo shqiptar se kjo është betejë për liri. Më 8 janar Edi Rama faktoi se ai në mënyra e tij kriminale ishte autor i pushtimit të shtëpisë tonë, shtëpisë së PD. Nuk është problemi i një ndërtese, por i vendimit të zbatimit të shumicës ndaj pakicës. Ju votuat dhe pa këtë parim nuk ka demokraci. Ai rrethoi jo vetëm me 8 oficerë garde, por ai i pajisi ata me të gjitha mjetet e dhunës, tha ai, ndërsa shtoi: Projekti Ballkan i Hapur është kundër shqiptarëve. 2 javë më parë më treguan se kur ndodhi vrasja në bllok Edi Rama vendos ndalimin e basteve, por të kujt ish bastet. bastet ishin Lul Bravës dhe ai i dërgon Dushanin në Prishtinë për të zgjidhur problemin. Dy persona Edi Rama u ka thënë se 80 % pronar i kompanisë ishte Lul Brava me të shoqen. Këto i them për demokratë që kanë investuar, të largohen prej tij, asgjë nuk i lidh me ta. Nuk ka ndodhur kurrë në histori ajo që ka ndodhur më 8 janar. Rama mbronte me gardistë pengun e tij. Tani ajo është shtëpia jonë dhe asgjë në botë nuk na pengon ne të hyjmë në shtëpinë tonë. Unë u them demokratëve se unë devijoj qoftë edhe një milimetër nga ajo që ju kërkoni me të drejtë. Ju kërkoni shtëpinë tuaj, ajo do të jetë e juaja. Kjo datë e bekuar duhet të na frymëzojë të gjithëve. Sot ne duhet të bëjmë çdo gjë për të fituar zemrat e ndershme.
