Berisha i çon mesazh Bashës e i kujton thënien e Winston Churchill “nëse vendosesh të zgjedhësh mes luftës e çnderimit, dhe zgjedh çnderimin, luftën e ke tek dera… Basha vrau PD jo Sali Berishën. Basha mund të tërhiqej 5 herë përpara para se të merrte atë vendim”.
Berisha tha se në rrafshin statutor vendimi i Bashës për ta përjashtuar nga grupi parlamentar “është zero, por për vendimin që mori do i nënshtrohet gjykimit të anëtarësisë nga jugu në veri të vendit. Basha duhet të japë llogari para demokratëve për atë vendim. Ka përgjegjësi të rëndë”
Ç”të tha Basha në biseden telefonike 30 minuta para se ta shpallte vendimin.
“Është bërë njëherë një bisedë me Bashën. I kanë thënë që ne e kemi informuar Berishën. Asnjeri nuk më ka informuar mua dhe unë nuk kisha thënë. Ma tha dy-tri herë. Edhe i them “e di si është puna Lulzim”. Po. Nga Uashingtoni, një i njohur dhe nga Tirana një tjetër më kanë thënë që po ndodh kjo dhe është i implikuar direkt Lulzim Basha. Për këtë procesin “non grata”.
Po thoni se e ka kërkuar Lulzin Basha tek amerikanet?
“Po them çfarë më kanë thënë. Unë nuk e kam vlerësuar. Pse? Mund të thojë ç’të dojë Lulzim Basha, ç’të dojë Edi Rama, nuk firmoset kurrë mbi bazën e këtyre të dhënave.
Rama është kundërshtari im dhe kërkon të më eliminojë. Ka qenë dora e George Soros dhe lobimi i tij korruptiv që ka realizuar firmosjen.
Unë thashë çfarë më kanë thënë dhe çfarë i thashë Lul Bashës sepse më insistoi. Më tha që “kjo më thotë që e kam paralajmëruar Berishën”. Unë i thashë që nuk më ka paralajmëruar njeri.
Kur më insistoi për së dyti i thashë more zotëri nëse quhet paralajmërim që kanë ardhur dhe më kanë thënë që çdo vendim ma dikton Sali Berisha, tashi se ma kanë thënë. Tashi se më thuhet, mund ta marrë të mirëfilltë? Absolutisht jo! Kategorikisht. Nuk i kam ndikuar në asnjë vendim në mënyrë absolute.” – tha Berisha.
Kush të vrau?
Berisha: Pusia.
Të vrau Basha, Rama…?
Berisha: Jam i gjallë e luftëtar si asnjëherë.
Berisha tregon se nje vit e gjysme me perpara i ka thënë stafit që punon me kreun e PD-se se “Basha është lider i thyer. Kam thënë Rama i ka vjedhur zgjedhjet por Basha nuk i ka fituar zgjedhjet. Nuk e kam thënë kurrë që i ka fitu zgjedhjet.”
