Ish-kryeministri Sali Berisha i sheh zgjedhjet e pjesshme të 6 marsit si hapin e parë për largimin e Ramës nga pushteti.
Teksa prezantoi Bardh Spahinë në Shkodër, ai u shkodranëve se vota e tyre nuk vendos vetëm për bashkinë por edhe i përgatit biletën e largimit kryeministrit.
Berisha: Në këto zgjedhje ju votoni për kryetarin e ri të bashkisë, në të vërtetë votoni gjithashtu për ti prerë biletën sa më shpejt kryetarit të meduzës në Tiranë, Edvin Ramës, i cili ka përdorur çdo mjet dhe degradoi të zgjedhjet me tritol dhe drogë. Ka bërë çdo gjë për të shkelmuar votën tuaj dhe të shqiptarëve në terësi.
Armik i egër i Shkodrës dhe kjo vetëm si hakmarrje primitive atërore, nuk mund të pajtohet ai kurrë me qëndrimin e Shkodrës dhe shkodranëve ndaj komunizmit, regjimit të etërve të tij. E diskriminoi, i ndërpreu të gjitha investimet, bëri gjithçka por nuk e mposhti dot. Jam i bindur se me 6 mars përsëri Shkodra do të ngadhënjejë mbi të keqen, mbi të shkuarën.
Berisha kujtoi se Shkodra ishte në anën e duhur të historisë për 30 vite, madje sipas tij ajo nuk gaboi edhe kur e bëri PD.
Dhe këtu ai i njohu meritat Voltana Ademit.
Berisha: Në këto 30 vite Shkodra nuk gaboi. Edhe kur gaboi PD, qyteti qëndroi në anën e drejtë që duhet të qëndronte. Në këto 30 vite kur Lulzim Brava në 2019 Shkodrën, e mbajti Voltana Ademi dhe qëndroi e pamposhtur. Detyrimet tona ndaj jush janë të pakufijshme. Ju ftoj të vazhdojmë këtë rrugëtim së bashku në këtë moment kritik.
Këto zgjedhje nuk zhvillohen njëlloj si duhet të zhvilloheshin ku opozita përballej me qeverinë. Këto zgjedhje zhvillohen sot me jë qeveri që bazohet terësisht mbi krimin, drogën, vjedhjen dhe korrupsionin, mbi një qeveri e cila duke shkelur çdo parim demokratik merr peng pluralizimin dhe mendon se në këtë mënyrë do të zgjatë jetën e regjimit të tij. Por ja ku jemi këtu. Këtu është Shkodra më e vendosur se kurrë me opozitën e vërtetë të mbrojë me votën e saj të lirë pluralizimin politik jo vetëm në Shkodër por mbarë Shqipërinë./Ora News/
