Debati i ashpër midis kreut te grupit parlamentar Enkelejd Alibeaj dhe ish- kryeministrit Sali Berisha morri tone te ashpra ne mbledhjen e grupit parlamentar të Partisë Demokratike.
Alibeaj cilësoi praninë e Berishës si provokim, nga momenti qe ai, sipas Alibeajt, është i përjashtuar nga partia.
Por në dalje të kësaj mbledhje, Berisha ka një mendim ndryshe. “Vendimi që pretendon zoti Alibeaj është nul dhe nuk ekziston, ky është qëndrimi im i bazuar në të gjithë ligjet e vendit dhe Partisë Demokratike”, deklaroi themeluesi i PD-së. Sipas tij, “kombinacionet Basha-Rama marrin fund, ai vendim ka qenë nul. Anëtarësia i dha shkarkimin që meritoi në 11 dhjetor, dhe ai nuk është më këtu, ka dhen dorëheqjen”.
Alibeaj i ka kërkuar një hap pas Berishës për të ribashkuar partinë, ashtu siç bëri Basha, por Berisha përgjigjet se “të krahasosh fituesin me humbësin, është gabim i madh”.