Ish-kryeministri i Shqipërisë, Sali Berisha, i ka dalë në krah, kreut të LDK-së, Isa Mustafa, pas deklaratave që mbrëmë i dha në emisionin Pressing në T7, kryeministri i Shqipërisë, Edi Rama.
Berisha ka shkruar në Facebook se Edi Rama me gjuhën e një mashtruesi ka ofenduar ish-kryeministrin dhe kryetarin e LDK-së, Isa Mustafa.
Kjo, sipas tij, po ndodh pasi që Mustafa e ka kundërshtuar projektin e Serbisë së Madhe, që ai e ka quajtur Minischengen.
“Ai me qëndrimin e tij bëri të dështojë përfundimisht përpjekja e re e treshes famëzeze të tradhtarëve të Kombit; Esad Toptanit të Ri, Baton Stanishiqit për krijimin sipas projektit të fundit të patronit të tyre, serbomadhit Vuçiç, të Jugosllavisë së Re”, ka thënë ai.
