Sulmuesi shqiptar, Mërgim Berisha, ka realizuar gol me Fenerbahcen në garat evropiane, teksa ka shtuar edhe një asistim.
Të enjten në mbrëmje, Berisha 23-vjeçar, e shënoi golin e tretë në fitoren e Fenerbahces në udhëtim te Antëerpi, 3:0, në xhiron e katërt të Ligës së Evropës.
Berisha golin e shënoi në minutën e 29-të të ndeshjes. Ndërkohë, Hakan Mert Yandas në minutën e 8-të dhe Max Meyer në minutën e 16-të, i shënuan dy golat e para. Berisha që e kompletoi ndeshjen me skuadrën turke ishte edhe asistues në golin e Meyerit.
Fenerbahce me këtë fitore mban gjallë shpresat për ta kaluar fazën e grupeve. Renditet në vendin e tretë me 5 pikë, një më pak se Olympiacosi në vendin e dytë, dhe pesë më pak se Frankfurti lider.
Antwerpi është në vendin e fundit në Grupin D.
