Mërgim Berisha ka realizuar një gol për Salzburgun në humbjen e thellë 6:2 që klubi austriak e pësoi në shtëpi nga Bayern Muencheni në kuadër të Grupit A të Ligës së Kampionëve.
Berisha realizoi golin e epërsisë për Bayernin në minutën e 4-të. Ai luajti 76 minuta. Në stol te Salzburgu ishte Albert Vallçi.
Gol tjetër për Salzburgun shënoi Masaya Okugawa (66’). Për Bayernin shënuan Robert Lewandowski (21’ penallti, 88’), Rasmus Kristensen (44’ autogol), Jerome Boateng (79’), Leroy Sane (83’) dhe Lucas Hernandez (90+2’).
Pas tri xhirove në Grupin A kryeson Bayerni me nëntë pikë, Atletico Madridi i ka 4 pikë, Lokomotiva e Moskës 2 e një pikë Salzburgu.
Berisha kishte realizuar një gol e një asist për Salzburgun edhe në ndeshjen e xhiros së kaluar ndaj Atletico Madridit.
