Kryetari i Partisë Demokratike, Sali Berisha është shprehur se të gjithë kandidatët e Alibeajt dhe të Bashës dhe janë vetëm “paterica” të Veliajt.
Në një bashkëbisedim live me ndjekësit në “Facebook, kryedemokrati Berisha shprehet se çdo kandidat në Tiranë për zgjedhjet e 14 Majit, përveç Belind Këlliçit është i Kryeministrit Rama.
Sali Berisha: Çdo kandidat përveç Belind Këlliçit, është kandidat i Edi Ramës.
Ai kandidon për të ndihmuar kandidatin e Edi Ramës, që përbën në vetvete falsititetin më të madh, një nga njerëzit më të korruptuar të këtij vendi, një nga njerëzit më mashtrues dhe më pa ndjenja për qytetarët. Të gjithë kandidatët e Alibashës dhe Bravës janë vetëm paterica të Erion Veliajt.
Janë njerëz që kanë kaluar në krah, në sqetullat e Edi Ramës, nuk kanë asgjë të përbashkët me të djathtën. Nuk besoj kurrë se e djathta mund të bëhet me njerëz si Alibasha dhe Lulzim Brava, të cilët janë pengje në lidhje krimi të Edi Ramës.
