Ish-Kryeministri Sali Berisha në takimin e radhës që po mban me demokratët në Kamzë është shprehur se ‘Foltorja’ ka tmerruar neomenklaturën e narkoshtetit.
Ai thotë do ta ngrenë fuqishëm PD, teksa shton se do ruajnë partneritetin me SHBA dhe Be.
Sali Berisha: Foltorja ka tmerruar neomenklaturën e narkoshtetit, bëjnë gjithçka për ta etiketuar. Një qytetar nga minoriteti më shkruan një mesash,” Zoti Berisha këtyre që na vendosin etiketa për ‘Foltoren” do u thuash që ne që mblidhemi jemi burra dhe gra të djersës së Ballit. PD që Edi Rama vendosi ta konfiskojë PD e ta shtojë në një shtojcë të partisë së tij, do ta ngremë më fuqishëm si kurrë në opozitë. Sovranitetin e partisë nuk di e prek kush. Ne do qëndrojmë partner të denjë të SHBA, të BE do qëndrojmë besnikë të vokacionit perëndimor të Kombit shqiptar. Jemi historia e Shqipërisë së lirë.
Po ashtu ai u ka përcjellë edhe një mesazh personave që hezitojnë t’i bashkohen “Foltores”. Duke lënë të nënkuptohet se fjala është për Kryedemokratin Lulzim Basha, lideri historik i PD shprehet se një opozitë që vendimet e së cilës ja marrin të tjerët nuk vjen kurrë në pushtet.
Sali Berisha: Dy fjalë për ata që hezitojnë të bashkohen me ne: Një opozitë e vërtetë është jetike për demokracinë dhe Shqipërinë, një opozitë që vendimet e së cilës ja marrin të tjerët nuk vjen kurrë në pushtet. Me Kuvendin kërkojmë të rikthejmë vlerat. Do sjellim sërish votën e lirë. Kemi sjellë dinjitetin njerëzor, njeriu i lirë është fëmija e natyrës. Do jeni ju që do përcaktoni renditjen e deputetëve, këshilltarëve, dhe kryetarin.
Berisha u ka bërë thirrje demokratëve që të bëhen bashkë si para 30 vitesh dhe të rrëzojnë Edi Ramën.
Sali Berisha: Motoja jonë është qytetarë të ndershëm, njerëz të punës dhe djersës ballit, njerëz të lirë, të bashkohemi si në ’91 për të përmbysur narkoshtetin e Edi Ramës dhe veglave të tij për të hapur rrugën e zhvillimit.
