Pavarësisht se Partia Demokratike nuk e ka përfshirë emrin e tij në Grupin e saj Parlamentar, Sali Berisha në vetëdeklarim është deklaruar si deputet i Grupit Parlamentar të PD.
Partia Demokratike ka 44 deputetë të regjistruar si pjesë e grupit të saj në Kuvend. 7 anëtarë nga lista e PD janë pjesë e grupit të PR. 7 anëtarë të tjerë nga lista e PD janë pjesë e listës së PDIU. Në total 58 deputetë. Ndërkohë PD fitoi në zgjedhje 59 mandate. Pra zyrtarisht Sali Berisha mbetet jashtë grupit të PD.
Tashmë mbetet për t’u parë se çfarë rruge do të ndjekë kryetari Basha pasi nuk ka instrumente për ta përjashtuar Berishën nga grupi, ndërsa më herët nuk kemi pasi raste të tille kur një deputet i përjashtuar nga Grupi Parlamentar të refuzojë përjashtimin.
