Ambasadorja e SHBA-ve në vend Kejt Mari Bërns në një deklaratë për MIA theksoi se është e rëndësishme që të mbahen zgjedhjet, për shkak se siç theksoi ajo Republika e Maqedonisë së Veriut ka nevojë për institucione funksionale për ballafaqim me të gjitha sfidat, përfshi edhe krizën me Kovis-19.
Bërns theksoi se data për zgjedhje duhet të përcaktohet në pajtim me ligjet dhe Kushtetutën e vendit.
“Është e rëndësishme që në vend të mbahen zgjedhje. Republikës së Maqedonisë së Veriut i nevojiten institucione funksionale, Qeveri dhe Kuvend, që të mund të ballafaqohen me sfidat të cilat do të kenë efekt afatgjatë për ardhmërinë e vendit, përfshi edhe betejën me Kovis-19, si dhe përgatitjet për bisedimet me BE-në. Sa i përket datës për këto zgjedhje, kjo duhet të përcaktohet në pajtim me ligjet dhe Kushtetutën e vendit”, nënvizoi Bërns.
