Pavarësisht se raporti profesional u ndërpre pas 5 vitesh e gjysëm me shkarkim, Mauricio Pochettino beson se një ditë do të kthehet në pankinën e Spurs “Nuk e di nëse do të ndodhë pas 5 apo 10 vjetësh, por para se të vdes dua të jem përsëri trajneri i Tottenham – ka shpjeguar tekniku argjentinas për BT Sports -. Më pëlqen të fitoj qoftë edhe një titull të vetëm, sepse dua të kuptoj cfarë do të thotë të fitosh dicka me Tottenham”.
Pochettino ndjen një borxh të madh mirënjohjeje drejt tifozëve të tij të vjetër. “Tifozeria është e mrekullueshme, më dhanë dashuri të pakushtëzuar që nga dita e parë. Do doja të ripaguaja të gjithë atë që më kanë treguar me një trofe, që e meritojnë pa asnjë hije dyshimi”.
Ëndërra e tij, pasi i shkoi fare pranë Premier e Champions League, është ajo ta mbyllë ciklin me një trofe. “Ishte një udhëtim i mrekullueshëm në atë klub, përfunduar ashtu si askush nuk do të donte. Por e di brenda vetes që rrugët tona do të kryqëzohen sërisht. Nga dita e parë që u largova, ëndërra ime është të kthehem për të përfunduar atë që nuk arritëm të mbaronim. I shkuam pranë si Premier ashtu dhe Champions, u ndalëm tek më e bukura e natyrisht dua ta riprovoj. Duhet të shoh përpara e të mendoj për projektin e ardhshëm, por brenda meje një ditë dua të kthehem, sepse klubi është special, ashtu si janë tifozët”.
