Presidenti amerikan, Joe Biden më në fund theksoi se guvernatori Andrew Cuomo duhet të tërhiqet nëse akuzat seksuale kundër tij konfirmohen, duke thyer më shumë se një javë heshtje mbi këtë çështje.
Biden, i cili ka mbajtur një marrëdhënie të përzemërt me Cuomo për dekada, e bëri deklaratën në një intervistë në ABC News, në të cilën ai gjithashtu tha se guvernatori ka të ngjarë të përballet me ndjekje penale nëse hetuesit konfirmojnë sjelljet e tij.
“Po”, u përgjigj Biden kur drejtuesi i ABC News George Stephanopulos pyeti nëse Cuomo duhej të tërhiqej në rast se hetimi i pavarur i Prokurores së Përgjithshme Letitia James konfirmonte akuzat.
