Presidenti amerikan Joe Biden ka deklaruar se nuk do të ketë lehtësi për antëarësimin e Ukrainës në NATO pasi vendi duhet të përmbushë të njëjtat standarde si vendet e tjera.
“Jo. Sepse ata duhet të përmbushin të njëjtat standarde. Kështu që unë nuk do ta bëj më të lehtë. Unë mendoj se ata kanë bërë gjithçka në lidhje me demonstrimin e aftësisë për të koordinuar ushtarakisht, por ka një çështje të shumta, a është sistemi i tyre i sigurt? A është sistemi i korruptuar? A i plotëson të gjitha standardet që i përmbushin të gjithë, çdo komb tjetër në NATO? Unë mendoj se mundet. Por nuk është aq e lehtë”, u shpreh Biden për gazetarët përpara nisjes së tij në Filadelfia për eventin e tij të parë zyrtar të fushatës presidenciale.
Biden dhe ekipi i tij janë në mes të një bisede të lartë me anëtarët e NATO-s se si dhe kur mund të anëtarësohet Ukraina – një debat që mund të ekspozojë tensionet në aleancë përpara një samiti kyç muajin e ardhshëm në Vilnius, Lituani, transmeton CNN.
Sipas CNN, Biden është i kënaqur me heqjen e një prej pengesave për anëtarësimin e Ukrainës në NATO.
“Sipas burimit, Biden do të ishte i gatshëm të heqë dorë nga Plani i Veprimit për Anëtarësim (MAP) për Ukrainën, i cili gjendet në një marrëveshje të vitit 2008 si “hapi i ardhshëm për Ukrainën … në rrugën e tyre drejt anëtarësimit”. MAP, i karakterizuar si programi i këshillave, ndihmës dhe mbështetjes praktike i përshtatur për nevojat individuale të vendeve që dëshirojnë të anëtarësohen në Aleancë, është një proces që kombet e tjera duhet të ndërmarrin për t’u bashkuar me NATO-n”, transmeton CNN.
Ndërkaq, presidenti ukrainas Volodymyr Zelensky ka deklaruar se e kupton që vendi i tij nuk mund të bëhet anëtar i NATO-s përderisa është ende në luftë.
